නව මැතිවරණ කොමිසම ලබන සතියේ පත්වෙයි - කතානායක

I දේශපාලන වාර්තාකරු

නව මැතිවරණ කොමිෂන් සභාවක් පත්කිරීම ලබන සතියේදී සිදුකෙරෙන බව දේශයට වාර්තා වෙයි. නව මැතිවරණ කොමිසමක් පත් කළ යුතු බවට ආණ්ඩුක්‍රම ව්‍යවස්ථා සභාවට මෙයට පෙර යෝජනා වූ අවස්ථාවේ යෝජිත පළාත් පාලන මැතිවරණය හමාර වන තෙක් අලුත් කොමිසමක් පත් නොකළ යුතු බවට පක්ෂ නායකයන් අදහස් දක්වා තිබිණි. 

එහෙත් දැන් පළාත් පාලන ඡන්දය දින නියමයක් නොමැතිව කල් දමා ඇති තත්ත්වය යටතේ ව්‍යවස්ථානුකූලව මැතිවරණ කොමිසම පත් කළ හැකි බව මේ පිළිබඳව දේශය කතානායක මහින්ද යාපා අබේවර්ධන මහතාගෙන් කළ විමසුමකට පිළිතුරු දෙමින් හෙතෙම සඳහන් කළේය.

මේ හැර තවදුරටත් පත්කිරීමට නොහැකි වූ සෙසු කොමිෂන් සභාවන් සියල්ල ඉදිරි සතියේදී පත්කිරීමට අපේක්ෂා කරන වගද කතානායකවරයා පැවසීය.